د افغانستان د مخکیني حکومت د ولسمشر لومړي مرستیال امرالله صالح ویلي، که ا.ا ټولپوښتنې ته غاړه کېږدي، چمتو دی چې مشروعیت یې ومني او له وسلهوال مقاومت څخه لاس واخلي. نوموړي زیاته کړې: «که ټولپوښتنه کې ا.ا بریالی شو، نو مشروعیت به یې تول من، خو هغې ډلې ته چې د توطیې له لارې واک ته رسېدلې، هېڅکله به تسلیم نهشم.
د امریکا د بهرنیو چارو وزیر انتوني بلنکین ویلي، د افغانستان د اقتصاد پیاوړتیا لپاره د لارو چارو پر څېړنو بوخت دی. بلنکین دغه څرګندونې د ۲۰۲۱ کال په وروستۍ ورځ په یوې خبري ناسته کې کړي دي. نوموړي په دغه ناسته کې ټينګار کړی چې امریکا په دې وروستیو کې د افغانستان له شتمنۍ څخه د ۲۸۰ میلیونو ډالرو د ازادولو په برخه کې مهمه ونډه لرله.
د افغانستان په چارو کې د روسیې ځانګړي استازي ضمیر کابلوف په تازهګۍ سره ویلي، که افغانستان کې هر اړخیز دولت رامنځ ته نه شي، اسلامي امارت سیاسي واک نهشي ترلاسه کولای. کابلوف د افغانستان د سیاسي وضعیت څرنګوالي کې د ټولو قومونو ګډون او ونډه مهمه بولي.
د مخکیني حکومت د ملي روغې جوړې عالي شورا رییس عبدالله عبدالله وایي چې د زور له لارې پر نورو د خپلو غوښتنو منل، هېڅکله مطلوبې پایلې نه دي ورکړي او د خلکو د کړاو او درد لامل شوي دي.
یو پخوانی طالب چارواکی سیداکبر اغا نن د یوې غونډې پر مهال پر افغانانو غږ وکړ چې هېواد کې د نوي جوړېدونکي حکومت ملاتړ وکړي. د هغه په وینا، خلک باید د طالبانو له لوري اعلان شوی اسلامي نظام ومني.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
