اقتصادي ستونزې؛ د خصوصي پوهنتونونو ټولنه: ۵۰سلنه خصوصي پوهنتونونه به وتړل شي
د خصوصي پوهنتونونو د ټولنې مسولان وايي، د زدهکړیالانو د کموالي او بد اقتصادي وضعیت له امله ۵۰ سلنه خصوصي پوهنتونونه سختو شرایطو سره مخ دي او د تړلکېدو په درشل کې دي.
د خصوصي پوهنتونونو د ټولنې مسولان وايي، د زدهکړیالانو د کموالي او بد اقتصادي وضعیت له امله ۵۰ سلنه خصوصي پوهنتونونه سختو شرایطو سره مخ دي او د تړلکېدو په درشل کې دي.
د خصوصي پوهنتونونو د ټولنې مسوولان وايي، د نجونو پر زدهکړو د محدودیتونو او هېواد کې د لوړو زدهکړو دوام ته د زدهکړیالانو د انګېزې نشتون له امله سږکال خصوصي پوهنتونونو کې د زدهکړیالانو د جذب کچه د پام وړ کمه شوې ده.
د لوړو زدهکړو وزارت سرپرست نن په کابل کې یوې غونډې ته د خپل څلور میاشتني کاري رپوټ د وړاندې کولو پر مهال وویل چې د اقتصادي او نورو ستونزو له امله په هېواد کې د شاوخوا ۴۰ دولتي پوهنتونونو د زدهکړو بهیر درېدلی او هڅې روانې دي چې دغه ستونزې هوارې شي.
د باختر دولتي خبري اژانس د لوړو زدهکړو وزارت د چارواکو له خولې خبر ورکړی چې د اسلامي امارت د لوړو زدهکړو وزارت خصوصي پوهنتونونه د دغه وزارت له «ځانګړي پلاوي» پرته د استاذانو له ګومارنې منع کړي دي. د خصوصي پوهنتونونو ټولنې تراوسه په دې اړه خپل نظر نه دی څرګند کړی.
په خصوصي پوهنتونونو کې د لوړو فیسونو اخیستل هغه ستونزه ده چې زدهکړیالان یې تل په اړه شکایت کوي.
زدهکړیالان په دې برخه کې د لوړو زدهکړو وزارت او نورې اړوندې ادارې پر بېغورۍ تورنوي او وایي، تر اوسه د دې ستونزې د حل لپاره هېڅ کار نه دی شوی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون