د اوبو او انرژۍ وزارت سرپرست عبدالطیف منصور پکتیا ته د خپل سفر پرمهال سلاموطندار ته ویلي چې هېواد کې روانې وچکالۍ او اقلیمي بدلون اغېزو ته په پام اوسنیو شرایطو کې د نورو هېوادونو د حقابې تامینول ستونزمن کار دی. هغه وویل: «اوسنیو شرایطو کې د نورو هېوادونو د حقابې تامینول مشکلات لري، وچکالي بېخي ډېره زیاته ده.»
د ایران د ولسمشر مرستیال او د چاپېریال ساتنې سازمان رییس علي سلاجقه د هلمند سیند د حقابې په اړه د دغه هېواد او اسلامي امارت ترمنځ د خبرواترو په موخه د یوې غونډې جوړېدو خبر ورکوي.
ایرنا خبري اژانس راپور ورکړی چې علي سلاجقه پرون (د غبرګولي لومړۍ نېټه، د دوشنبې ورځ) ویلي چې د ایران ولسمشر دې موضوع ته پام اړولی دی.
اسلامي امارت د ایران د بهرنیو چارو د وزیر حسین امیر عبداللهیان د هغو څرګندونو په غبرګون کې چې ویلي یې و، د هلمند سیند د ډېرو اوبو ترلاسه کولو لپاره له ټولو لاروچارو کار اخیستلی شو وايي، افغانستان د ۱۳۵۱ کال هوکړې ته ژمن دی، خو وروستیو وچکالیو دواړه لوري اغېزمن کړي دي.
شنونکي اسلامي امارت ته په تهران کې د افغانستان سفارت سپارلو ته په کتو وايي، ایران له افغانستان سره پر پولې د امنیتي اندېښنو له منځه وړلو او د هیرمند حقابې ته د لاسرسي موندلو په موخه دغه کار کړی دی.
د افغانستان لپاره د ایران سفیر او ځانګړي استازي حسین کاظمي قمي د بهرنیو چارو وزارت سرپرست امیرخان متقي سره د لیدنې پر مهال یو ځل بیا د هلمند سیند څخه د ایران د «حقابې» غوښتنه کړې ده. حسن کاظمي قمي دې لیدنه کې د هلمند سیند څخه د ایران د حقابې پر ورکړې ټينګار کړی.
وروسته له هغې چې څو ورځې وړاندې په هلمند کې د اسلامي امارت سرپرست حکومت د کجکي بند دویم فاز پرانیست، د ایران حکومت د هلمند سیند څخه د خپلې حقابې په اړه اندېښنه ښودلې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
