ننګرهار کې د خبریالانو د ناسم وضعیت او د انعکاس ټلوېزیون د وروستۍ پېښې په اړه یوه پلاوي پلټنې پیل کړي. دغه پلاوی وايي، د رسنیو کارکوونکو د امنیت خوندیتوب لپاره به هڅې وکړي.
په پلاوي کې د ملي امنیت عمومي ریاست، د کورنیو چارو وزارت او د خبریالانو د فدراسیون استازي شامل دي.
د لویي څارنوالۍ ویاند جمشېد رسولي سلاموطندار ته وايي، په ۱۳۹۸ او ۱۳۹۹ کلونو کې د خبریالانو پر وړاندې د تاوتریخوالي د ۲۱ پېښو په تړاو يې ۴۶ تورن کسان نیولي چې نغدي جریمه، تر شلو کلونو بند او ځینې يې په اعدام هم محکوم شوي دي.
د افغانستان د ازادو رسنیو د ملاتړ ټولنې یا نی اجرایوي رییس مجیب خلوتګر نن په یوه خبري غونډه کې وویل چې حکومت خبریالانو ته له خبرداري پرته د هغوی د امنیت خوندیتوب لپاره هېڅ کار نه دی کړی.
د بېپولې خبریالانو سازمان وايي، افغان حکومت باید د خبریالانو د خوندیتوب لپاره خپل ټول توان وکاروي. د دغه بنسټ په وینا، افغانستان په ۲۰۲۰ کال کې د خبریالانو لپاره تر ټولو خونړی هېواد و چې د غور غږ راډیو د مسوول بسمالله عادل په ترور سره ۲۰۲۱ کال هم په نړۍ کې د خبریالانو په وژل کېدو پیل شو.
د اطلاعاتو او کلتور وزیر طاهر زهیر وايي، پر خبریالانو برید جنګي جنایت دی او امنیتي ادارې باید د خبریالانو د ژوند خوندیتوب لپاره لاس په کار شي.
نوموړي نن د یوې خبري غونډې پر مهال د ملي امنیت له عمومي ریاست او کورنیو چارو وزارت نه وغوښتل چې د خبریالانو د ژوند ژغورلو لپاره پر ځانګړو طرحو کار وکړي.
ناپېژنده وسلهوالو تیره ورځ له غرمې وروسته په غزني کې د خبریالانو ټولنې مشر، د الجزیرې او اسوشیټېد پرېس خبریال رحمتالله نېکزاد خپل کور ته نږدې وواژه.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
