په سمنګان کې محلي سرچینې وايي چې د دغه ولایت د ایبک ښار د «خوستیانو» سیمه کې ځمکه ناسته ده.
د سرچینو په وینا، دا پېښه پرون (د وري شلمه، د دوشنبې ورځ) یوناڅاپه شوې ده.
د سلاموطندار پښتو فېسبوکپاڼه وڅارئ
سرچینې د ځمکې کېناستو غوچوالی پنځوس متره ښيي او زیاتوي چې په څو ځایونو کې ځمکه ښکته تللې ده.
تر اوسه روښانه نهده چې څومره ځمکه ښکته تللې، خو د سرچینو په وینا، څو کورونه او باغونه ښکته تللي دي.
سرچینې وايي، امنیتي ځواکونو له پنځوسو زیاتې کورنۍ د پېښې له سیمې څخه اېستلې دي.
د سیمې اوسېدونکي وايي، له جوړو شویو کندو څخه د تیږو لګېدو ډاروونکي غږونه هم را پورته کېږي.
د سمنګان محلي مسوولانو تر اوسه په دې اړه څه نهدي ویلي.
