د لوګر د بدني روزنې او ورزش امریت چارواکي وایي چې د دغه ولایت په محمداغې ولسوالي کې د مرکز پلعلم او ولسوالیو شاوخوا ۴۰ غوره ورزشکارانو ترمنځ د «مویتای» سیالۍ وشوې.
د یاد ولایت د بدني روزنې او ورزش امر انجینیر مزمل سلاموطندار ته ویلي چې دغه سیالۍ جمعه «لړم۲۶» په محمداغې ولسوالي کې د «مویتای» لسګونه پياوړو لوبغاړو په ګډون کې شوې دي.
مزمل زیاته کړه چې د یادو سیالیو جوړېدو څخه یې موخه د مویتای ورزش د لوبغاړو ترمنځ یوالی، موتای ورزش ته وده ورکول، له نشهيي توکو سره مبارزه او د ورزشکارانو ترمنځ ښې اړیکې رامنځه کول دي.
د نوموړي په وینا، د مویتای ورزشي سالیو په پای کې لومړي، دویم او درېیم مقام ګټوونکو لوبغاړو ته بېلابېلې ډالۍ هم ورکړل شوې.
سلاموطندار پر ټویټر هم وڅارئ
د موتای سیالیو لوبغاړو او مینوالو سلاموطندار ته وویل، د لوګر ولایت د بدني روزنې او ورزش امریت ته پهکار ده چې ورته سیالي نورو ولسوالیو او سیمو ته هم وغځوي.