د بادغیس فرهنګي مسوولان وایي چې دا پېښه پرون د دغه ولایت ابکمبري ولسوالي کې رامنځته شوې ده.
د بادغیس د اطلاعاتو او فرهنګ رییس بازمحمد سروري سلام وطندار ته وویل چې دا مېرمنه د خپل خاوند او میرني زوی ترمنځ د لفظي شخړې په پایله کې وژل شوې ده.
د سلاموطندار پښتو فېسبوکپاڼه وڅارئ
د هغه په وینا، دا ښځه د خپل میرني زوی له خوا په ناپوهی سره په ډزو وژل شوې او قاتل له سیمې څخه تښتېدلی دی.
ښاغلي سروري د دې پېښې د څرګنوالي په اړه څه نه دي ویلي خو ویلي چې تښتېدلی هلک د اسلامي امارت د ځواکونو تر تعقیب لاندې دی.