ملي دفاع وزارت غزني کې د پوځ پر یوه نظامي مرکز له خونړي برید یوه ورځ وروسته ویلي، د دغه برید طراح «حمزه نورستاني» تېره شپه ۷ نورو وسلهوالو سره د ګیرو ولسوالۍ «عليشېرخېل» سیمه کې وژل شوی دی.
د دفاع وزارت ویلي، «حمزه نورستاني» غزني کې د افغان ځواکونو پر یوې اډې د تېرې ورځې د موټربم برید اصلي طراح و.
د غزني ښار درېیمه امنیتي حوزه کې د پوځ پر یوې اډې تېره ورځ موټربم برید وشو چې ۳۰ امنیتي ځواکونه په کې ووژل شول او ۲۴ نور ټپیان شول.
د برید مسوولیت اخيستو په اړه تر اوسه پورې کومې وسلهوالې ډلې نظر نه دی ورکړی.
