داعش ډلې د بلخ د والي محمدداوود مزمل پر دفتر برید چې پهکې نوموړی له دوو نورو کسانو سره یوځای ووژل شو، پر غاړه اخیستی دی.
داعش پورې اړوند اعماق خبري اژانس ویلي چې د بلخ د والي پر دفتر ځانمرګی برید دوی کړی دی.
داعش ویلي، بریدګر «عبدالحق الخراساني» نومېده او په څو امنیتي پوستو کې له تلاشۍ وروسته یې ځان د والي دفتر ته رسولی و.
د یادونې وړ ده چې په پروني ځانمرګي برید کې د بلخ د والي په ګډون درې کسان وژل شوي او دوه نور ټپیان دي.
د بلخ د امنیې قومنداني ویاند محمداصف وزیري ویلي، بریدګر خپل چاودېدونکي توکي په واسکټ کې ځای پر خای کړي وو او د والي په رسېدو سره یې چاودېدونکي توکو ته چاودنه ورکړې ده.
د اسلامي امارت ویاند ذبېحالله مجاهد پر خپله ټوېټرپاڼه دغه برید د «اسلام د دښمنانو» کار بللی او په اړه یې د څېړنو خبر ورکړی دی.
سلاموطندار پر ټویټر هم وڅارئ
د اسلامي امارت له واکمنېدو راهیسې محمدداوود مزمل لومړی لوړپوړی چارواکی دی چې د داعش ډلې په برید کې وژل کېږي.
