د غزني د پوهنې ریاست مسوولان وايي چې د غزني ښار اړوند سیمه کې بېګاه ناوخته ناپېژنده کسانو د نجونو یو ښوونځی سوځولی دی.
پېښه بېګاه د غزني ښار د پنځمې امنیتي حوزې اړوند البیروني ښارګوټي کې رامنځته شوې چې له کبله یې د نجونو «البیروني ابتداییه ښوونځي» اداره سوځول شوې او د یاد ښوونځي ټول اداري سندونه او تجهیزات لهمنځه وړل شوي دي.
د سلاموطندار پښتو فېسبوکپاڼه وڅارئ
د غزني د پوهنې ریاست د مسوولانو په وینا، د ا.ا ځواکونو او د سیمې اوسېدونکو پر وخت دغه ښوونځي کې د اور د پراخېدو مخه نیولې ده.
د البیروني ابتداییه ښوونځي کې په دوو بېلابېلو وختونو کې سلګونه نجونې او هلکان زدهکړې کوي.
