د بدخشان د راغستان ولسوالي اوسېدونکو په خپل شخصي لګښت دغه ولسوالي کې د دوه میلیونه افغانیو په لګښت د یوه سړک د رغولو چارې پیل کړي دي.
د بدخشان د اطلاعاتو او فرهنګ ریاست اړوند د اطلاعاتو امر حکمتالله محمدي سلاموطندار ته ویلي، دغه سړک چې د یادې ولسوالي «بېکادر» سیمې څخه «بازار زیرکي» ته غځېدلی او ۱۵ کیلومټره اوږدوالی لري، د سیمو د خلکو په شخصي لګښت جوړېږي.
د سلاموطندار پښتو فېسبوکپاڼه وڅارئ
د نوموړي په وینا، د یاد سړک د رغېدو پر چارو دوه میلیونه افغانۍ لګښت راځي چې د یادې ولسوالي د اوسېدونکو له لوري ورکول کېږي.
د یادونې وړ ده چې د بدخشان د راغستان درېګونې ولسوالۍ د یاد ولایت له هغو اداري واحدونو دي چې لاره یې خرابې او مسافر د تګراتګ پر مهال له بېلابېلو ستونزو سره لاس او ګرېوان دي.
دا په داسې مهال دی چې له دې وړاندې د هېواد په نورو سیمو کې هم خلکو په خپل شخصي لګښت سرکونه، ښوونځي او نورې عامه ودانۍ جوړې کړي دي.
