د نړیوالو رسنیو د راپورونو پر اساس، د اټومي هوکړې په موخه د ایټالیا په روم ښار کې د ایران او امریکا استازو ترمنځ د خبرو پنځم پړاو تېره ورځ جمعه پایته ورسېد.
ویل شوي چې د ایران اټومي پروګرام په اړه د تهران – واشنګټن ترمنځ دغو خبرو کې محدود پرمختګ شوی دی.
ورته وخت کې د عمان بهرنیو چارو وزارت ویلي چې د مذکراتو دغه پړاو وروستیو پایلو ته له رسېدو پرته پایته رسېدلی دی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
راپورونو کې ویل شوي چې که څه هم د ایران او امریکايي لوري د راتلونکو خبرو کره نېټه او ځای نه دی مالوم، خو خبرې به دوام وکړي.
دغهراز د ایران بهرنیو چارو وزیر سید عباس عراقچي ویلي چې اټومي مذاکرات عاقلانه دوام لري چې همدا د پرمختګ نښه ده.
یوه امریکايي چارواکي هم رسنیو ته ویلي چې دغه مذاکرات په مستقیمه او غیرمستقیمه توګه شوي او له دوو ساعتونو څخه زیات یې دوام کړی دی.
