د لوګر د کرنې، اوبولګولو او مالدارۍ ریاست مسوولان وایي چې د افغانستان لپاره د هالنډ کمېټې له لوري په څرخ ولسوالي کې۱۰۰بېوزله مېرمنو باندې چرګې ووېشل شوې.
د لوګر د کرنې، اوبولګولو او مالدارۍ ریاست مطبوعاتي مسوول شاهدالله همراز سلام وطندار ته وویل چې د کرنې پراختیا نړیوال صندوق په مالي لګښت د هالنډ کمېټې له لوري ۱۰۰ بېوزله مېرمنو ته د چرګو واړه فارمونه جوړ شول.
د سلاموطندار پښتو فېسبوکپاڼه وڅارئ
همراز زیاته کړه چې هرې بېوزله مېرمنې ته ۳۰ د هیګو چرګې، خوراکه او د چرګو د ساتنې او پالنې وسایل ووېشل شول.
هغه همدارنګه وايي، د یادو مرستو موخه په دې ولایت کې د چرګو روزنې صنعت ته پیاوړتیا ورکول او د بېوزله او کونډو مېرمنو اقتصادي ودې ته د کور دننه زمینه برابرول دي.
