د افغانستان لپاره د روسیې ځانګړي استازي ضمیر کابلوف په دې وروستیو کې د دغه هېواد رسنیو ته ویلي چې د روسیې د بهرنیو چارو او عدلیې وزارتونو د ترهګرو ډلو له نوملړ څخه د ا.ا د نوم اېستلو د احتمال په اړه ولسمشر ولادیمیر پوتین ته خبر ورکړی دی.
د مالکیت حق د فردي حقونو له ډلې دی چې هر انسان پورې تړاو لري او جنسیتي او نور توپیرونه نهشي کولای چې یو انسان له دې حق محدود او محروم کړي. خو د مخ پر ودې هېوادونو کې د ښځو مالکیت حق له خنډونو او ستونزو سره مخ دی.
د دې څېړنې بنسټییزه موخه افغانستان کې د مالکیت حق ته د ښځو لاسرسي کچې معلومول دي.
دغه ریاست نن دوشنبه، غبرګولي اوومه پر خپله اېکسپاڼه په یوې خبرپاڼه کې ویلي چې د نوموړي ترڅنګ د کورنیو او دفاع وزارتونو مسوولان هم د دې موضوع د وضاحت په تړاو مشرتابه ته غوښتل شوې دي. خبرپاڼه کې همداراز راغلي چې د پاسپورټ عمومي ریاست چارې په عادي توګه روانې دي.
د امریکا ولسمشر جوبایډن خپلو تازه څرګندونو کې افغانستان د امپراطوریو هدیره بللې او ټینګار یې کړی چې افغانان به هېڅ کله هم سره یوموټي نهشي.
ولسمشر جوبایډن دغه څرګندونې تېره ورځ د کینیا ولسمشر ویلیام روټو سره په یوه ګډه خبري ناسته کې کړې دي. هغه په دې غونډه کې همداراز ویلي چې د داعش کنټرولولو لپاره د افغانستان له اشغال پرته نورې لارېچارې هم شتون لري.
لوګر کې د ۲۰۳ منصوري قولي اردو د څلورمې پلې لېوا چارواکي وایي، امنیتي او کشفي ځواکونو په مرکز پلعلم او ولسوالیو کې د بېلابېلو عملیاتو په ترڅ کې لسګونه مېله سپکه او درنه وسله او مهمات نیولي دي.
درېوو اروپايي هېوادونو داسې مهال فلسطین د یوه خپلواک هېواد په توګه په رسمیت وپېژنده چې په غزه کې د اسراییلو او حماس ترمنځ خونړۍ جګړه لا هم روانه ده.
ناروې، ایرلنډ او اسپانیا ګډه پرېکړه وکړه چې فلسطین د یوه خپلواک هېواد په توګه په رسمیت وپېژني. دا پرېکړه د ترکیې او قطر په ګډون د ځینو هېوادونو له هرکلي سره مخامخ شوه.
د سرپرست حکومت د کورنیو چارو وزارت په یوه خبرپاڼه کې چې پر اېکسپاڼې یې خپره شوې، لیکلي چې الخلیفي دا خبرې د کورنیو چارو وزارت له سرپرست سراجالدین حقاني سره د لیدنې پر مهال کړې دي.
د ا.ا د بهرنیو چارو وزارت د ناروې، اسپانیې او ایرلنډ له لوري د یوه خپلواک هېواد په توګه د فلسطین په رسمیت پېژندلو هرکلی کړی او هغه یې یو مثبت ګام بللی دی.
دغه وزارت نن د غبرګولي څلورمه، د جمعې ورځ پر خپلې اېکسپاڼې یوه خبرپاڼه خپره کړې چې پهکې لیکل شوي، دغه پرمختګ داسې مهال کېږي چې اسراییلو پر غزې برید سره «د نسلوژنې جګړهیيز جنایتونه» کوي.
افغانستان کې د تېرو نږدې درېوو کلونو پرمهال د ښځو پر زدهکړو او کار محدودیتونه لامل شوي چې دوی ټولنې ته د ورګرځېدو او ځانبسیاینې لپاره په نورو برخو کې کار کولو ته مخه کړي. له یادو مېرمنو اووه یې په کندوز، شپږ یې په بدخشان، څلور یې جوزجان، پنځه یې فراه او یوه مېرمن هم په تخار کې فعالیت کوي.
ملګروملتونو د افغانستان په اړه د دوحې د درېیمې غونډې د نېټې اعلان ترڅنګ وايي چې سرپرست حکومت ته هم په دغه غونډه کې د ګډون بلنه ورکړل شوې.
دغه سازمان د یوې خبرپاڼې په خپرولو سره ویلي، د دوحې درېیمه غونډه به د روان کال د جون پر ۳۰مه او د جولای په لومړۍ نېټه د هېوادونو د ځانګړيو استازیو په ګډون جوړه شي.
د شانګهای همکاریو سازمان د غړو هېوادونو د بهرنیو چارو وزیرانو غونډه کې چې «سهشنبه، مې ۲۱مه» د قزاقستان پلازمېنه استانه کې پیل شوې، د ځینو نورو موضوعاتو ترڅنګ، د افغانستان پر مسلې هم پهکې خبرې شوې دي.
د ملګروملتونو د سرمنشي سیاسي مرستیالې روزمیري دیکارلو کابل ته د خپل سفر پرمهال د سرپرست حکومت له یوشمېر چارواکو سره لیدلي دي.
د ارګ لهخوا په خپرې شوې خبرپاڼه کې ویل شوي چې نوموړې د ریاستالوزرا له سیاسي مرستیال محمدعبدالکبیر سره د لیدنې پرمهال افغانستان کې د ځینو پرمختګونو له امله خوښي څرګنده کړې.
د افغانستان سرپرست حکومت رییسالوزرا محمدحسن اخند د ایران د ولسمشر او بهرنیو چارو وزیر پر مړینه خواشیني څرګنده کړې.
د ریاستالوزرا له لوري په دې اړه خپرې شوې خبرپاڼه کې د محمدحسن اخند له قوله ویل شوي چې افغانان د یادې پېښې له امله د زړه له تله غمجن او خواشیني دي.
د افغانستان د کانونو او پټرولیم وزارت چارواکي وايي، د سرپرست حکومت له واکمنېدو وروسته د چین، ایران، ترکیې، قطر او انګلستان شرکتونو د اووه میلیارده ډالرو په ارزښت د افغانستان په اتو لویو کانونو کې پانګونه کړې. د اقتصادي چارو کارپوه شبیر بشیري وايي، د هېواد په کانونو کې پانګونه د افغانستان د اقتصادي ودې لامل کېدای شي.
چین په تېرو دوو ورځو کې د روسيې د ولسمشر ولاديمير پوتين کوربه و. چین ته د پوتین د سفر موخه د دواړو هېوادونو پر دوهاړخيزو اړيکو او ځينو سيمهييزو او نړيوالو مسايلو خبرې بلل شوې دي.
د روسیې ولسمشریزې ماڼې یا کرېملېن له دغه سفر وروسته د دواړو هېوادونو ګډه خبرپاڼه خپره کړې چې افغانستان هم د دواړو هېوادونو د مشرانو د بحث موضوع وه.
رویټرز خبري اژانس د اسپانیا د بهرنیو چارو وزارت له خولې لیکلي چې په بامیان ولایت کې پر سیلانیانو پروني وسلهوال برید کې د دغه هېواد درې وګړي وژل شوي دي.
د رویټرز د راپور له مخې، په دغه برید کې یو بل اسپانوی ټپي شوی هم دی.
