د پکتیکا د ګیان ولسوالي یوشمېر زلزلهځپلې کورنۍ وايي چې د نږدې دوو کلونو په تېرېدو سره لاهم ورته سرپناه نهده جوړه شوې او خېمو کې ژوند کوي.
دوی سلاموطندار ته وايي، د تېر کال ژمي پر مهال د سرپناه نشتون له امله له ګڼو ستونزو سره مخ وو او په وینا یې، لوړ عمر لرونکي او ماشومان پر بېلابېلو ناروغیو اخته شوي او ځینو یې خپل ژوند هم له لاسه ورکړ.
د خوړو نړیوال پروګرام وايي چې افغانستان کې د بېرته راستنېدونکو کډوالو سره د مرستې لپاره ۱۶ میلیونه ډالرو ته اړتیا لري.
د خوړو نړیوال پروګرام نن پنجشنبه د نومبر ۱۶مه پر اېکس «ټوېټرپاڼه» په یوې ویډیو کې ویلي چې څه باندې یو میلیون افغانانو ته د مرستو لپاره ۱۶ میلیونه ډالرو ته اړتیا لري.
په کندهار ښار کي د ۲۲ میلیونه افغانیو په ارزښت د ۷۸۷ متره سړک چې ۱۳.۶ متره پراخوالي لري د رغولو چارې یې پیل شوې.
دغه دوه مهم سړکونه چې د درېیمې ناحيې اړوند د بایپاس عمومي سړک او د دارالمعلمين عمومي سړک سره نښلوي، د رغېدنې چارو پیل سره یې ۱۶۰۰ کسانو ته د کار زمینه هم برابره شوې ده.
د پکتیکا محلي مسوولان وايي چې د دغه ولایت په ارګون ولسوالي کی د لومړي ځل لپاره د برښنايي پېژندپاڼو یوه څانګه پرانېستل شوه چې د یاد ولایت د نهو ولسواليو اوسېدونکو ته به هم پهکې پېژندپاڼې ووېشل شي. د نوموړي په وینا، د دې مرکز په جوړېدو سره به یادې او ورڅېرمه ولسوالیو کې د برښنايي پېژندپاڼو اړوند ستونزې هوارې شي.
د سوداګرۍ او صنایعو وزارت ویاند عبدالسلام جواد اخوندزاده سلاموطندار ته ویلي چې د افغانستان، اوزبکستان او پاکستان ترمنځ د سوداګرۍ درېاړخیزه غونډه د سهشنبې په ورځ په اسلاماباد کې جوړه شوې ده.
د میدانوردګ د طبیعي پېښو پر وړاندې د مبارزې ریاست چارواکي وایي چې د مسلم هندز موسسې له لوري په چک ولسوالي کې پر ۳۵۰ سېلابځپلیو کورنیو د خوراکي توکو مرستې ووېشل شوې.
د پکتيا محلي مسوولان وايي چې د دغه ولایت په سیدکرم ولسوالي کې د ۱۱۵زره امریکايي ډالرو په لګښت د اوبو یو سربند جوړ او ګټېاخيستنې ته سپارل شوی دی.
دغه سربند د پکتیا د سیدکرم ولسوالي په «درک» سیمه کې جوړ او ګټېاخیستنې سپارل شوی دی. د پکتيا سينديزې فرعي حوزې مسولان وايي، ياد سربند د سويس د مرستو پرمختيايي ادارې په مالي لګښت او د اړيکو دفتر موسسې په تخنيکي همکاري جوړ شوی.
له پاکستانه په زور راستانه کړل شوي یوشمېر افغان کډوال وايي چې پاکستاني پولیسو دغه هېږاد کې له افغان کډوالو سره ناوړه چلن کوي او ژوند یې ورتریخ کړی دی.
راستانه شوي کډوال سلاموطندار ته وايي، کلونه یې پاکستان کې ژوند وکړ، خو په وینا یې، دې موده کې یې چې هر څه پیدا کړي وو، دغه هېواد کې ترې پاتې شوې دي.
له نږدې دوه کلن ځنډ وروسته افغانستان ته په لومړي ځل د «فلای دوبۍ» هوايي شرکت الوتنې بېرته پیل شوې.
د حکومت د رسنیو مرکز نن چهارشنبه د لړم ۲۴مه پر اېکس لیکلي چې دغه الوتنې د ریاستالوزرا اقتصادي معاونیت او د ټرانسپورټ هوايي چلن وزارت په هلو ځلو بېرته پیل شوې دي.
د هلمند محلي مسوولان وايي چې د دغه ولایت مرکز لښکرګاه ښار د اتمې امنیتي حوزې اړوند سیمه کې یې یو کس د دوه میلیونه او نهه سوه او ۵۰زره « ۲۹۵۰۰۰۰» پاکستانۍ کالدارو د غلا په تور نیولی دی. بلخوا هغه هلمندی سوداګر چې دغه کس ترې نږدې درې میلیونه کالدارې غلا کړې وې، وايي، دغه کس یې په شرکت کې کارګر و.
د دایکندي محلي مسوولان وايي چې د دغه ولایت په مرکز نیلي ښار کې امنیتي ځواکونو څلور کب نیوونکي نیولي دي.
د دایکندي د چاپېریال ساتنې رییس محمدابراهیم شریفي سلاموطندار ته ویلي، دغه کب نیوونکي چې په ناقانونه توګه یې کبان ښکارول، د لومړۍ امنیتي حوزې ځواکونو لهخوا نیول شوې دي.
د هلمند د بست ولایتي روغتون په څنګ کې د بیړني ناروغان د «ایسيیو» څانګې لپاره په ۴۸ میلیونه افغانیو ودانۍ جوړېږي. د ودانۍ ترڅنګ به نور اړین امکانات هم ورته برابر شي.
د یاد ولایت د عامي روغتیا رییس ډاکټر سیداحمد سعید سلاموطندار ته وویل چې بېړنیو ناروغانو ته اړوند د «ایسيیو» دغه ودانۍ به په دوو پوړونو کې جوړه شي.
د میدانوردګ د سیندیزې حوزې ریاست چارواکي وایي چې نرخ ولسوالي کې د ۳۰ میلیونه افغانیو په ارزښت د پنځه ذخیروي بندونو د جوړېدو چارې پيل شوي چې په راتلوونکو درېوو میاشتو کې به بشپړ او ګټېاخیستنې ته وسپارل شي.
د چاپېریال ساتنې ملي ادارې مسوولان له نړیوالې ټولنې غواړي چې د افغانستان په چاپېریال ساتنې برخه کې د ۳۲ نابشپړو پروژو بېرته پیل کړي.
د دې ادارې مسوولانو د لړم په دوهویشتمه، د دوشنبې ورځ په یوه خبري غونډه کې وویل چې بهرني بنسټونه باید بشري مسایلو ته سیاسي رنګ ور نه کړي.
د ټرانسپورټ او هوايي چلند وزارت مسوولان وايي، کابل ښار کې یې د نویو ترمینلونو جوړولو لپاره یې طرحه چمتو کړې او د پلې کېدو په موخه یې هڅې روانې دي.
د ټرانسپورټ او هوايي چلند وزارت ویاند امامالدین احمدي دغه څرګندونې نن دوشنبه د لړم ۲۲مه سلاموطندار سره د مرکې په ترڅ کې کړې دي.
د تېرې یوې اوونۍ پر مهال د افغانستان د اوسپنې پټلۍ له لارې په ټولیزه توګه د ۷۴۸۸۷ ټُنه سوداګریزو توکو انتقالات شوې دي.
د افغانستان د اوسپنې پټلۍ ادارې نن دوشنبه د لړم ۲۲مه پر اېکس لیکلي چې دغه انتقالات د لړم له دولسمې تر اتلسمې نېټې شوې دي.
