د ملګرو ملتونو سرمنشي انټونیو ګوټرېش ویلي چې په نړۍ کې نږدې ۱۳۰ میلیونه نجونې ښوونځي ته له لاسرسي بېبرخې دي.
د سلاموطندار پښتو فېسبوکپاڼه وڅارئ
ګوټرېش نن (د چنګاښ لسمه، د شنبې ورځ) سهار وختي پر ټویټر لیکلي چې د دغو نجونو ډېری هغه له ناورین څخه په اغېزمن شویو هېوادونو کې اوسېږي.
د ملګرو ملتونو سرمنشي زیاته کړې چې ښوونځي ته د نجونو نه لاسرسی لامل کېږي چې هغوی له وخت مخکې واده شي او له تاوتریخوالي سره هم مخامخ شي.
انټونیو ګوټرېش پر نجونو، د هغوی پر زدهکړو او بشري حقونو پانګونه، پر راتلونکې پانګونه بللې ده.
دا په داسې حال کې ده چې هېواد کې د اسلامي امارت له واکمنېدو راهیسې له شپږم ټولګي پورته افغان نجونې له ښوونځي را ګرځول شوي او ورسره یې د پوهنتونونو دروازې هم پر مخ تړل شوې دي.
