د بادغیس محلي مسوولان وايي چې دغه ولایت کې یې د توبرکلوز، ایډز او نورو ساري ناروغیو د درملنې په موخه انتاني روغتون پرانېست.
د بادغیس د عامې روغتیا ریاست مرستیال عجبخان حمیدي د یاد روغتون د پرانېستلو پر مهال وویل چې یاد روغتون ۲۰ بستره لري او د یاد مرکز قلهنو ښار کې جوړ شوی دی.
د سلاموطندار پښتو فېسبوکپاڼه وڅارئ
د حمیدي په وینا، یاد روغتون کې به د ناروغانو لپاره د اکسرې، پرمختللي معاینات او د شپې او ورځې پر مهال د درملو وېش خدمات وړاندې کېږي.
د بادغیس د عامې روغتیا ریاست مرستیال عجبخان حمیدي زیاته کړه چې دغه روغتیايي مرکز کې دا مهال د ښځو په ګډون ۴۸ کسان پر دندو بوخت دي.
هغه همداراز وویل چې یاد روغتون د ۱۴ میلیونه افغانیو په لګښت د روغتیا نړیوال سازمان له لوري رغول شوی دی.
د بادغیس په مرکز او د ولسوالیو په بېلابېلو سیمو کې دا مهال ۵۴ روغتونونه او ۲۹ روغتیايي مرکزونه خلکو ته د خدمات وړاندې کوي.
