د میدانوردګ د برښنا ریاست له لوري د مرکز میدانښار په «عالمکوریو» سیمه کې د ۱۶۰ کېلو ولټ امپیر په ظرفیت د برښنا یو ټرانسفرمر جوړ او ګټېاخیستنې ته سپارل شوی دی.
د یاد ولایت له مقام څخه سلاموطندار ته په رالېږل شوې خبرپاڼه کې راغلي چې دغه ټرانسفرمر د نږدې څلور میلیونه افغانیو په ارزښت جوړ او نن «پنجشنبه، غبرګولي دویمه» ګټېاخیستنې ته وسپارل شو.
د سلاموطندار پښتو فېسبوکپاڼه وڅارئ
خبرپاڼه زیاتوي، یاد ټرانسفرمر به شاوخوا ۱۶۰ کورنیو ته برښنا ورکړي او هڅه روانه ده چې د میدانښار نږدې سیمو او کلیو ته هم د برښنا مزي وغځول شي.
د میدانښار اوسېدونکي هم خوښ دي چې د برښنا ریاست له لوري سلګونه کورنیو ته د برښنا رسولو ټرانسفرمر نصب شو، خو غوښتنه کوي چې برښنا ادارې ته پهکار ده چې د میدانښار په ګډون نږدې ولسوالیو اوسېدونکو ته هم د برښنا غځولو چارې پيل کړي.