د افغانستان بانک وايي چې د «افغانۍ» پولي ارزښت د ساتلو او ثبات په موخه به سبا د وري نهمه، د چهارشنبې ورځ څوارلس میلیونه امریکايي ډالر د یوې داوطلبۍ له لارې لیلام کړي.
دغه بانک له هغو شخصي بانکونو او د پولي خدمتونو او صرافیو له شرکتونو چې پر شرایطو برابر دي، غوښتي چې په دې داوطلبۍ کې ګډون وکړي.
د افغانستان بانک ویلي چې د دغه لیلام ګټونکي باید د همدې ورځې تر پایه خپل حسابونه پاک کړي.
د افغانستان بانک لیکلي: «د اسعارو د لیلام په داوطلبیو کې د معاملو قسمي تسویه نهشي کېدای. د داوطلبۍ ګټونکي باید د خپلې ذمې پیسې پر ټاکلي وخت په یوځايي او نغدي توګه د افغانستان بانک ته وسپاري.»
د سلاموطندار پښتو فېسبوکپاڼه وڅارئ
د یادونې ده چې د افغانستان بانک هره اوونۍ د «افغانۍ» د پولي ارزښت او ثبات د ساتلو په موخه میلیونونه ډالر د داوطلبۍ له لارې لیلاموي.
