افغان نابینا لوبغاړي وليمحمد نوري بریټانیا کې د لامبو وهلو په سیالیو کې د سرو زرو مډال وګاټه.
د لامبو وهلو په دغو سیالیو کې د اروپايي هېوادونو شاوخوا ۷۰ لوبغاړو ګډون کړی و چې وليمحمد نوري پهکې د سرو زرو مډال ګټلی دی.
نوموړي د لامبو وهلو په پنځوس مټره واټن کې برخه اخیستی وه چې دغه واټن یې په ۴۹ ثانیو کې وواهه او د سرو زرو مډال یې ترلاسه کړ.
وليمحمد نوري د سرو زرو مډال له ګټلو وروسته افغانانو ته د دې بریا مبارکي ورکړې ده.
نوموړي په یوې ویډیو کې ویلي چې سیالي یې سخته وه، خو د افغانانو په دعا یې دغه ویاړ ترلاسه کړ.
سلاموطندار پر ټوېټرپاڼه هم وڅارئ
افغان نابینا لوبغاړي وليمحمد نوري له دې مخکې هم د ځغاستې او لامب وهلو په بېلابېلو سیالیو کې اتلولۍ ګټلي دي.
