د پکتیا محلي مسوولان وايي چې د دغه ولایت په مرکز ګردېز ښار کې یوه مېرمن د خپلې کورنۍ لهخوا وژل شوې ده.
د پکتیا د امنیې قومنداني ویاند عبدالباري منیب سلاموطندار ته ویلي چې پرون شنبه د لړم ۲۰مه د مرکز ګردېز ښار د درېیمې امنیتي حوزه په «ملا قدرت درې» کلي کې یوه مېرمن د خپلې کورنۍ د غړیو له لوري په مرموز ډول وژل شوې ده.
د عبدالباري منیب په وینا، د یادې مېرمنې د وژنې په تور د نوموړې د کورنۍ دوه شکمن کسان نیول شوي او تر پوښتنو ګروېګنو لاندې دي.
تراوسه معلومه نه ده چې دغه مېرمن د خپلې کورنۍ د غړیو لهخوا ولې وژل شوې ده.
سلاموطندار پر ټویټر هم وڅارئ
په داسې مهال دی چې په دې وروستیو کې د هېواد په یوشمېر ولایتونو کې د کورني تاوتریخوالي له امله شخړې زیاتې شوې چې پر مهال یې ځینې کسان وژل شوې او ټپیان شوي هم دي.
