د سرپل د صیاد ولسوالي د امنیې قوماندان اسدالله عمري وايي چې د دې ولسوالي په «انګشکه عربیه» سیمه کې د ساجدې په نوم یوې ښځې ځان څاه ته غورځولی او وژلی دی. دا ښځه ۲۲ کلنه وه.
د نوموړي په وینا، لومړۍ څېړنې یې ښيي چې یاده ښځه پر اروايي ستونزو اخته وه او له همدې امله یې ځان وژلی دی.
عمري زیاتوي چې د پېښې په اړه یې څېړنې دوام لري او د کشفي او امنیتي برخو موندنې به بیا له رسنیو او خلکو سره شریکې کړي.
دا داسې مهال ده چې یوه ځوان د روانې اوونۍ د سهشنبې په ورځ د سرپل په سانچارک ولسوالي کې خپله کوژدنه او خواښې په چاکو وهلي او وژلې دي.
