د غور امنیتي مسوولان وايي چې دغه ولایت کې د دوو کورنیو ترمنځ د رامنځته شوې شخړې په پایله کې یو ماشوم وژل شوی دی.
پېښه د یاد ولایت د پسابند ولسوالي اړوند سیمه کې پرون جمعه د غبرګولي پنځمه رامنځته شوې چې له کبله یې یو ۱۲کلن ماشوم وژل شوی دی.
د سلاموطندار پښتو فېسبوکپاڼه وڅارئ
د غور د امنیې قومنداني ویاند عبدالرحمن بدري سلاموطندار ته د یاد خبر د تایید ترڅنګ ویلي، دغه پېښه د کورني تاوتریخوالي له امله رامنځته شوې ده.
د نوموړي په وینا، امنیتي ځواکونو د پېښې په تړاو یو کس نیولی او پوښتنې او ګروېګنې ترې روانې دي.
دغه پېښه داسې مهال رامنځته کېږي چې له دې وړاندې هم دغه ولایت او د هېواد په نورو ولایتونو کې هم ورته پېښې رامنځته شوي چې پر مهال یې ځینو کسانو خپل ژوند له لاسه ورکړی او ځینې نور بیا ټپیان شوي هم دي.
