د لغمان د ټرافیکو مدیریت مسوولان وايي چې دغه ولایت کې یې د یوکیلي «بېاسنادو» موټر د راټولولو کمپاین پیل کړی دی.
د لغمان د امنیې قومنداني د ټرافیکو مدیر حبیبالله مبارز وايي چې د کورنیو چارو وزارت په لارښوونه یې دغه کمپاین پیل کړی دی.
د سلاموطندار پښتو فېسبوکپاڼه وڅارئ
نوموړی زیاتوي چې له دې وړاندې یې د بېاسنادو موټرو چلوونکو ته خبرداری ورکړی و چې خپل موټر ثبت کړي، خو په وینا یې، ځینې موټرچلوونکي سرغړونه کوي او له همدې امله دوی یاد ولایت کې د بېاسنادو موټرو د ټولولو کمپاین پیل کړی دی.
په ورته مهال هغه سلاموطندار ته وویل چې د یاد کمپاین پر لومړۍ ورځ یې څه باندې ۵۰ موټر ټول کړي او چلوونکو ته یې سپارښتنه کړې چې د خپلو موټرو د ثبت او اسنادو د اخیستو قانوني مراحل بشپړ کړي.
دا په داسې مهال دی چې په دې وروستیو کې له لغمان سربېره د هېواد په ګڼشمېر ولایتونو کې یوکیلي موټر زیات شوي چې تر ډېره یې د ښارونو ټرافیکي نظام ګډوډ کړی دی.