د اسراییل دفاع وزیر اسرائیل کاتز ویلي چې پر ایران یې برید کړی.
ټایمز آف اسراییل ورځپاڼې راپور ورکړی چې دغه بریدونه د اسراییل پر وړاندې د ګواښونو د لهمنځه وړلو په موخه ترسره شوي.
د راپور له مخې، پر ایران د اسراییل له بریدونو وروسته، په ټول اسراییل کې د خطر زنګونه غږول شوي دي.
ورته وخت کې قطر کې د امریکا سفارت پر ایران د اسراییل له بریدونو وروسته، خپلو ټولو کارکوونکو ته ویلي چې خوندي ځایونو کې پاتې شي.
دغه سفارت خپلو ټولو امریکایي وګړو ته سپارښتنه کړې چې تر بلې خبرتیا پورې همدا اقدام وکړي.
د امریکا سفارت دغه اقدام وروسته له هغه شوی چې اسراییل تازه پر ایران برید پیل کړ.