د کورنیو چارو وزیر سراج الدین حقاني په مشرۍ د دغه وزارت د رهبرۍ غونډه ترسره شوه.
سراجالدین حقاني د دغه وزارت د رهبرۍ غونډه کې ویلي، د خلکو د فردي او ټولنیز امنیت د ټینګښت لپاره باید لا ډېرې هڅې وشي او د هېواد په کچه د پولیسو ټول ځواکونه باید د ولس لپاره ریښتیني خدمتونه وړاندې کړي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
نوموړي وویل، د ولس باور ترلاسه کول مهم دي او باید هڅه وشي چې د خلکو او پولیسو ترمنځ هېڅ ډول واټن رامنځته نه شي.
د کورنیو چارو وزارت د رهبرۍ غونډه کې معینانو، رییسانو او د بېلابېلو ریاستونو مسوولانو ګډون کړی وو او د امنیتي مسایلو ترڅنګ، په ګڼو نورو مهمو او ټولنيزو موضوعاتو هم خبرې شوي دي.