د لوګر د صنعت او سوداګرۍ ریاست مسوولان وایي چې یاده تولیدي کارخونه د نږدې ۷ میلیونه افغانیو په ارزښت، د افغانستان د کرېکټ ملي لوبډلې د لوبډلمشر حشمتالله شهیدي په پانګېاچونه جوړېږي چې نن «شنبه، زمري ۱۸مه» د لوګر صنعت او سوداګرۍ ریاست له لوري ورته د فعالیت جواز هم سپارل شوی دی.
د دغه ولایت د صنعت او سوداګرۍ ریاست د مطبوعاتو مسوول، ثناګل ګلزار سلاموطندار ته وویل چې دا کارخونه په لومړیو کې د نږدې ۷ میلیونه افغانیو په پانګونې جوړېږي چې په معیاري ډول تصفیه شوې معدني اوبه او غیرالکولي مشروبات به تولید کړي.
نوموړي زیاتوی چې د یاد تولیدي کارخونې په عملي فعالیت سره به یوشمېر کسانو ته کاري فرصتونه برابر شي او دغه ډول یاده برخه کې به لوګر کې تر ډېره بریده د بازار غوښتنې ته رسېدنه وشي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
په ورته وخت کې د دغه کارخونې مسوول وایي چې د عملي چارو پرمهال به نه یوازې د لوګر، بلکې د هېواد د ننه او یوشمېر نورو هېوادونو ته به معدني اوبه او غیرالکولي مشروباتو صادر کړي.
د یادونې وړ ده چې اوس لوګر کې شاوخوا ۴۰ کوچنۍ او لویې تولیدي کارخونې بېلابېلو برخو کې فعالیت کوي.