د اسلامي امارت ویاند ذبیح الله مجاهد یوه اعلامیه کې ویلي، لا هم غزه کې سلګونه زره مسلمانان د اسرائیل تر یرغل، وحشت، سختې لوږې، تندې، ناروغیو او وحشیانه بمبارونو لاندې دي.
اعلامیه کې ویل شوي چې اسلامي امارت یوځل بیا د اسرائیل ظلمونه، په ملکي خلکو د لوږې او کلابندۍ فشار او ورسره له مرستو څخه د لومې په ډول کار اخیستل بیا پر ښځو او ماشومانو بمبار کول او شهیدانول په کلکو ټکو غندي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
اعلامیه کې راغلي چې اسلامي امارت په ټول مسلمان امت، مسلمانو هېوادونو او نورو لوریو غږ کوي چې هرڅه ژر د غزې مظلومو ماشومانو او ښځو ته د بشري مرستو د رسیدو لپاره لاره هواره کړي او هلته روان ظلم او زیاتی پایته ورسوي.
د خبرپاڼې یوه برخه کې راغلي چې: “له الله تعالی څخه غواړو چې هر څه ژر د غزې مسلمانان وژغوري او په اسراییل او د هغوی په ملاتړو داسې قهر او عذاب نازل کړي چې ټول انسانیت یې ننداره وکړي او عبرت ورڅخه واخلي.”