د خوست محلي مسوولان وايي، دغه ولایت کې ۳۶ ټُنه بېکیفیته او چنجنې وریجې چې له پاکستان دغه ولایت ته راوړل شوې وې، بېرته یاد هېواد ته مستردې شوې دي.
د خوست ولایت مقام څخه په خپره شوې خبرپاڼه کې ويل شوي د کرنې، اوبولګولو او مالدارۍ ریاست اړوند د غلامخان بندر نباتي قرنطین مدیریت کارکوونکو له لوري دغه وریجې بېرته پاکستان ته لېږدول شوي دي.
د سلاموطندار پښتو فېسبوکپاڼه وڅارئ
خبرپاڼه کې راغلي چې دغه وریجې په يو ټيلر موټر کې بار وې او د یوه سوداګر له لوري پاکستان څخه خوست ته واردېدې، بېرته پاکستان ته لېږل شوي دي.
خبرپاڼه کې زياته شوې چې د نباتي قرنطین کارمندانو له لوري له نږدې چیک او کنټرول وروسته چې یاده سیله وریژه په نباتي حشراتو او چینجیو ککړه وه، له همدې امله بېرته پاکستان ته مسترد کړل شوه.
خبرپاڼه کې له ټولو سوداګرو څخه غوښتنه شوې چې هېواد ته دې باکیفیته او روغ محصولات وارد کړي.