د لوګر د بدني روزنې او ورزش امریت چارواکي وایي چې په مرکز پلعلم کې د ولایت په کچه د ۳۶لوبډلو ترمنځ د «ازادۍ جام» په نوم دوالیبال پیل شوې سیالي «شنبه، ۱۹کب» پایته ورسېدې.
د یاد ولایت د بدنې روزنې او ورزش امر انجینیر مزمل نعیمزي سلاموطندار ته وویل چې دغو سیالیو کې د ولایت په کچه ۳۶ غوره لوبډلو ګډون کړی وو.
د سلاموطندار پښتو فېسبوکپاڼه وڅارئ
نعیم زي زیاته کړه، یادو سیالیو یوهنیمه میاشت دوام وکړ او د څرخ ولسوالي د والیبال لوبډلې په بریا سره پایته ورسېدې.
د هغه په وینا: «د دغه سیالیو له جوړېدو څخه موخه په لوګر کې د والیبال ورزش ته وده ورکول، غوره لوبغاړو پېژندل او د والېبال لوبغاړو ترمنځ ښه همغږي رامنځته کول وو»
د لوبې په پای کې د لومړي مقام، دویم مقام او درېیم مقام ګټوونکو ټيمونو ته یوشمېر ډالې هم ورکړل شوې.
