ټاکل شوې چې نن شپه د اروپا فوټبال اتلانو لیګ نیمه پایلوبه کې ریال ماډریډ لوبډله له مانچسټر سیټي سره سیالي وکړي.
دغه سیالي به د انګلستان د منچسټر ښار په اتحاد لوبغالي کې ترسره شي.
د سلاموطندار پښتو فېسبوکپاڼه وڅارئ
له دې وړاندې د دواړو لوبډلو ترمنځ د «تګ سیالي» په یوه-یوه ګول سره مساوي پای ته رسېدلې ده. هغه سیالي د ریال ماډریډ کورني لوبغالي سانتیاګو برناباوو کې وشوه.
ریال ماډریډ او منچسټر سیټي لوبډلې تراوسه نهه ځله له یوه بل سره مخ شوي چې درې ځله ریال ماډریډ، درې ځله منچسټر سیټي او درې لوبې یې هم په مساوي توګه پای ته رسېدلې دي.
د یادې لوبې ګټونکې لوبډله به د اروپا فوټبال اتلانو لیګ پایلوبه کې له انټر میلان فوټبال لوبډلې سره ولوبېږي. انټر میلان لوبډلې پرون د مې په ۱۶مه اېسي میلان ته ماته ورکړه او پایلوبې ته یې لار وموندله.
پایلوبه به د راتلونکې جون میاشتې په لسمه د ترکیې په اسټانبول ښار کې ترسره شي.