کندوز کې یوه کره امنیتي سرچینه چې نه غواړي نوم یې خپور شي سلاموطندار ته وايي، طالبانو امامصاحب ولسوالۍ کې د پوځ او محلي پولیسو پر پوستو بریدونه کړي چې د طالبانو بريدونه د امنيتي ځواکونو مقاومت سره مخ شوي دي.
سرچینې وویل، له ۶ ساعته نښتې وروسته ۶ د ملي اردو او ۲ محلي پولیس وژل شوي او ۸ نور سرتېري هم ټپیان دي.
د سرچینې په وینا، د مرسته کوونکيو ځواکونو په رسېدو سره طالبانو شاه تګ کړی دی.
په ورته وخت کې د ۲۱۷ پامیر قول اردو د ویاند مرستیال هادي جمال د طالبانو برید تاییدوي خو وايي، د مرګژوبلې په اړه یې معلومات نه لري.
هغه وویل، جګړو کې ۶ طالبان وژل شوي او ۴ ټپیان دي.
