کندهار کې امنیتي مسوولان وايي، ياد ولايت کې دغه پېښه تېره شپه د کندهار ښار د پنځمې ناحيې په «نوراني مېنه» سیمه کې شوې ده.
د ياد ولايت د امنيې قومندانۍ مطبوعاتي مسوول جمالناصر بارکزي سلاموطندار ته وویل، د ګازي بخارۍ د بالون چاودنې له کبله د يوې کورنۍ ۷ غړي وژل شوي چې ۴ ماشومان، یو نارینه او ۲ ښځې پهکې شاملې دي.
دا په داسې حال کي ده چې د ژمي په رارسېدو سره د کندهار هوا يخه شوې ده او ډېری کورنۍ له ګازي بخاريو کار اخلي.
