د بلخ امنيتي مسوولان وايي، د بلخ په شولګرې ولسوالۍ کې په يوه ټرافيکي پېښه کې ۷ کسان مړه شوي او ۲ نور ټپيان شوي دي.
د ياد ولايت د امنيې قومندانۍ وياند عادل شاه عادل سلاموطندار ته وايي، دا پېښه تېره ورځ مازدیګر په حلقه جر سیمه کې شوې ده.
د نوموړي په وينا، پېښه هغه مهال شوې چې کله يو بار وړونکي موټر له يوه مسافر وړونکي موټر سره ټکر وکړ.
د عادل په وينا، په وژل شويو کې ۳ مېرمنې او يو ما شوم شامل دي.
د بلخ ولايت د امنيې قومندانۍ د وياند په وينا، د بار وړونکي موټر چلوونکی نیول شوی دی.
