جوزجان والي: طالبان په زوره خلک له خپلو مېنو اېستلو ته اړ باسي

د هېواد په شمال کې د جګړو پر دوام د جوزجان ولایت محلي چارواکي وایي چې جګړه د دغه ولایت د مرکز تر څنډو رارسېدلې او هره ورځ وسله‌وال طالبان تر خپلې ولکې لاندې سیمو کې خلک اړ باسي چې خپلې مینې پرېږدي او نورو سیمو ته کډه وکړي.

حکومت او طالبان د سولې ټینګښت لپاره ناشوني شرطونه وړاندې کوي

د افغان امنیتي ځواکونو او طالبانو ترمنځ د جګړې له دوام سره هم‌مهاله، طالب ډلې ویلي چې افغانستان کې د سولې د ټینګښت یوازینۍ لار د ولسمشر غني ګوښه کېدل او د یوه نوي حکومت منځ ته راتلل دي. یو‌شمېر شنونکي بیا وایي چې حکومت او طالبان دواړه د سولې ټینګښت او د جګړې پای ته رسولو لپاره ناشونې شرطونه وړاندې کوي.

امریکا افغان کډوالو او د ځانګړو ویزو غوښتونکو سره ۳۰۰میلیونه ډالره مرسته وکړه

 سپینې ماڼې په یوې خپرپاڼه کې ویلي چې د امریکا ولسمشر جو بایډن د دوو ځانګړو فرمانونو په ترڅ کې په افغانستان کې د افغان کډوالو او امریکا ته د مهاجرت د ځانګړې ویزې د غوښتونکو د چارو لپاره ۳۰۰ میلیونه ډالره ځانګړي کړي دي. د سپینې ماڼې د خبرپاڼې له مخې، دغه دوه فرمانونه پرون ورکړل شوي دي.

ولسمشر غني او جو بایډن پر روان وضعیت او سولې ټیلیفوني خبرې کړي

ولسمشرۍ ماڼۍ د یوې خبرپاڼې په خپرولو سره ویلي چې ولسمشر محمداشرف غني له خپل امریکایي سیال جو بایډن سره ټیلیفوني خبرې کړي دي.
په خبرپاڼه کې راغلي چې ولسمشر غني پرون ماښام له بایډن سره د دواړو هېوادونو د اړیکو پر دوام  او د هېواد په روان وضعیت بحث او خبرې کړي دي.