په کندهار کې یوه امنیتي سرچینه د نوم نه یادولو په شرط سلاموطندار ته ویلي چې وسلهوالو طالبانو بېګاه د کندهار ښار-ارغستان ولسوالي ترمنځ څلور زره متره سړک او ۲۰ پلونه ويجاړ کړي دي.
ارغستان په کندهار کې یوه ناامنه ولسوالي چې ځینې لارې یې له پخوا هم د طالبانو له لوري د خلکو پر مخ تړلې دي.
دا په داسې حال کې ده چې وسلهوالو تېره اوونۍ هم د شاهوليکوټ او کندهار ښار ترمنځ د غځېدلي سړک یوه برخه هم په بېلدوزر ویجاړه کړې وه.
عام خلک د طالبانو دغه کار غندي او په وینا یې، ټول زیان یې دوی ته رسېږي.
وسلهوالو طالبانو تر اوسه په دې اړه څه نه دي ویلي.