د فاریاب د امنیې قومندانۍ ویاند عبدالکریم یورش وايي، وسلهوال طالبان تېره شپه د ګرزيوان ولسوالۍ «افغانتپه» سیمه کې یوه کور ته ور اوښتي چې پلار او د هغه ځوان زوی یې وژلي دي.
طالبانو د رستم او محمد نسیم په نومونو دغه پلار او زوی امنیتي ځواکونو سره د همکارۍ له کبله وژلي دي.
یورش وویل، پلار او زوی تېره ورځ امنیتي ځواکونو ته د څښاک اوبه ورکړې وې چې وروسته د طالبانو له خوا ووژل شول.
طالبانو تراوسه دې برخه کې رسنیو ته څه نه دي ویلي.
