افغانستان خبرچیلر مرکزی و آزاد ژورنالیست‌لر انجمنی، بوگون خبرچیلر وضعیتی خصوصیده بیر ییللیک قوشمه گزارش‌لرینی شریک قیلدیلر. مذکور ایکی نهاد نینگ قوشمه تیکشیرووی اساسیده، اسلامی امارت حاکمیتیدن کیین مملکت بویلب خبرچیلر گه قرشی زوروانلیکلر ایکی برابر بولگن.
مذکور ایکی نهاد مسئول‌لری خبرچیلر گه قرشی زوروانلیکلر ایکی برابر بولگنی خصوصیده خواطر بیلدیریب ایتیش‌لریچه، خبرچیلر اولیمی کمه‌یگن، بیراق اولر برابریده زوروانلیکلر ایکی برابر کوپه‌یگن دیر. افغانستان خبرچیلر مرکزی نماینده‌سی شاه‌محمود شینواری نینگ ایتیشیچه، چیکلاو‌لر یره‌تیلگنی و زوروانلیکلر کوپه‌یگنی باعث، خبرچیلردن قطاری ایش‌لری نی ترک قیلیش گه مجبور بولگن‌لر.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «جمهوریت تیزیمی گه نسبتن اسلامی امارت حاکمیتی زمانیده، خبرچیلر گه قرشی زوروانلیکلر ایکی برابر کوپه‌یگن و ژورنالیست‌لر همده ایرکین میدیالر اوچون ایش فضاسی تاره‌یگن، شونینگدیک قورقیش و سانسور قیلیش مثل‌سیز درجه‌ده کوپه‌یگن دیر»
باشقه بیر تاماندن، افغانستان آزاد ژورنالیست‌لر انجمنی نینگ تخنیکی اورین‌باسری اسماعیل سادات مذکور گزارش‌نی ترقه‌تیش پیتده ایتیشیچه، مملکت‌ده اسلامی امارت نینگ حاکمیتیدن کیین، ۶۶ خبرچی قولگه آلینگن واقعه رویخط گه آلینگن. اونگه کوره، اوشبو قولگه آلینیش‌لر فزیکی زوروانلیکلر، حقارت، و حتی کلتکلنیش‌لر گه سبب بولگن.
شونینگدیک جناب سادات نینگ ایتیشیچه، اوتگن ۷ آی‌ده اسلامی امارت تامانیدن خبرچیلر نینگ تهدید بولگنیدن ۵ مورد و یره‌لنگنلریدن ۳ مورد و شونینگدیک ناتانیش قوراللی کیشیلر تامانیدن خبرچیلر نینگ کلتک‌لنگنیدن ایسه ۳ مورد گزارش بیریلگن.
بیزلرنینگ توییترده هم تعقیب قیلینگ!
افغانستان آزاد ژورنالیست‌لر انجمنی و خبرچیلر مرکزی نینگ تیکشیروی اساسیده، ۵۷۸ صوتی، تصویری و چاپی رسانه‌‌دن ۴۰ فایزی نینگ فعالیتی اقتصادی قیین‌چیلیک و چیکلاو یره‌تیلیشی باعث توخته‌گن دیر.
مذکور ایکی نهاد نینگ تیکشیرو‌لری اساسیده، قویاش ۱۴۰۰-ییل‌ده، خبرچیلر گه قرشی ۱۱۷ زوروانلیک رویخط گه آلینگن. بوتوغریده اسلامی امارت مسئول‌لری نینگ فکر-ملاحظه‌سینی آلیشنی ایسته‌دیک؛ بیراق اسلامی امارت سوزلاوچی‌لری کیتمه-کیت قونقیراغ‌لری میز گه جواب قیتیرمه دیلر.
