بیرلشگن ملتلر تشکیلاتی نینگ بالهلردن حمایت قیلوچی صندوقی یا یونیسف نمایندهسی محمد آگ ایویا، پاکستان افغانستان نینگ خوست و کنر ولایتلریده اویوشتیرگن هوایی هجومی عاقبتیده ۲۰ باله هلاک ایتیلگنینی بیلدیرگن.
او توییتر صحیفهسیده یازیشیچه، خوست ولایتیده، ۱۲ قیز و ۳ ته اوغیل باله و کنر ولایتیده ۳ ته قیز و ۲ ته اوغیل باله هلاک ایتیلگن.
بیزلرنینگ فیسبوک صحیفهمیزگه باش اورینگ!
بیرلشگن ملتلر تشکیلاتی نینگ بالهلردن حمایت قیلوچی صندوقی نینگ وکیلیگه کوره، اوشبو بالهلر اویلریده اویقوگه یاتگن بیرچاغده، پاکستان هوایی هجومی آستیده قرار تاپگنلر.
آیویا نینگ تأکید قیلیشیچه، بالهلر برابریده قیلینهیاتگن زوراوانلیکلر توختهتیلیشی کیرهک. او شونینگدیک ایتگن دیرکه مدد قیلوچی تیملر قربانلر و زیان کورگن کیشیلرگه یاردم کورسهتیش اوچون ساحهگه یوباریلگن.
شوندهی بیرحالده، یونیسف، تامانلردن خلقارا قاعده قانونلرنی رعایت قیلیب عادی اهالی و تینچ بنالرگه ضرر ییتکیزشدن قول تارتیشلرینی طلب قیلگن و بالهلرگه زیان ییتمسلیگی اوچون قوللریدن کیلگن ایشنی قیلیشلرینی سورهگن.
بیزلرنینگ توییترده هم تعقیب قیلینگ!
پاکستان افغانستان نینگ خوست و کنر ولایتلرده اویوشتیرگن هوایی هجومی نتیجهسیده ۴۰ کیشی اولیب یرهلنگن و اوشبو هجوملر ایچکی و تشقی عکسالعمللرگه سبب بولدی و مملکت یشاوچیلری بیر قطار ولایتلرده پاکستان نینگ ایوشتیرگن هجوملریگه قرشی ناراضیلیک نمایش یولگه قویدیلر.