افغانستان‌ده بیرلشگن ملتلر تشکیلاتی نینگ اورین‌باسرلیک هیأت دفتری یا_ده یوناما، افغانستان ایچکی ایشلر وزیرلیگی‌دن کابلده اسلامی امارت کوچلری تامانیدن ایکی معترض عیال نینگ قولگه آلینگن ادعاسی حقیده، تیزلیککه معلومات ارایه قیلیشلری نی سوره‌گن.
بوگون یوناما نینگ فیسبوک صحیفه‌سیده یازیشیچه، کابلده ایکی معترض عیال نینگ قولگه آلینگنیدن ۲۴ ساعت اوتگن. شونینگدیک مذکور نهاد نیچه دفعه بوتون فعال عیاللر نینگ قوییب یوباریلیشی نی سوره‌گن. شونده‌ی بیرحالده، گزارش بیریلگن که بوگون اسلامی امارت کوچلری زهرا محمدی نی و اوتگن کون ایسه کابلده مرسل عیار نی قولگه آلگن.
بیزلرنینگ فیسبوک صحیفه‌میزگه باش اورینگ!
معترض عیاللر فعاللریدن هدا خموش، اسلو ییغینیده افغانستان عیاللریدن نماینده‌لیگی گه شرکت قیلگن ایدی، او فیسبوک صحیفه‌سیده زهرا محمدی نینگ قولگه آلینگنیدن خبر بیریب یازیشیچه: «اوتگن کیچه مرسل نی اوغیرله‌دیلر، بوگون زهرا محمدی نی ایش ییریدن اوغیرله‌دیلر و ایرته ایسه بلکیم باشقه بیری نینگ اوغیرلب کیتیشلری ممکن.»
بانو خموش گه کوره، اسلامی امارت معترض قیزلر و یوزلرچه عیاللر نینگ «هامورک» ناملی بیر منطقه‌ده نگهداری قیله‌دی. اونینگ ایتیشیچه، اسلامی امارت باغلنگن پوللرنینگ قولگه کیتیریش اوچون تشقی ییغینلرده اوزیدن «یخشی بیر چهره» کورستیش گه سعی و حرکت قیله‌دی.
بیزلرنینگ توییترده هم تعقیب قیلینگ!
گزارشلر اساسیده، اسلامی امارت کوچلری اوتگن کون معترض عیال اعضالریدن مرسل عیار نی قولگه آلگنلر.
ایتیلشیچه، شونینگدیک نیچه کون آلدین، کابلده معترض عیاللردن تمنا زریاب پریانی و پروانه ابراهیم خیل اسلامی امارت تامانیدن قولگه آلینگن. حاضرگچه بو عیاللر نینگ سرنوشتلریدن هیچ بیر خبر یوق.
اسلامی امارت رسمیلری حاضرگچه قولگه آلینگن مرسل عیار و زهرا محمدی خصوصیده هیج بیر نرسه دیمه‌گن؛ بیراق تمنا و پروانه نینگ قولگه آلینگنی نی هم تصدیق قیلمه‌گن.
