اروپا اتفاقی پارلمانی باشلیغی روبرتا متزولا، خاتین قیزلر برابری‌ده اسلامی امارت تامانیدن جنسیتی سیستماتیک تبعیض‌نی محکوم قیلیب و دنیا جماعه چیلیگی‌دن عیاللر حقوق‌لرینی، اسلامی امارت بیلن همکارلیک قیلیش اوچون اساسی شرط قرار بیریشینی سوره‌گن.

او بروکسل ده «افغان عیاللری کونی» عنوانیده اروپا پارلمانی بیرینچی ییغینیده خاتین قیزلرنینگ تعلیم، ایش دن محروم ایتیلیشی و اجتماعی ساحه لرده اولرگه حق بیریلمسلیگی خصوصیده خواطر بیلدیریب تاکیدلشیچه، افغانستان ده‌گی خاتین قیزلرنینگ وضعیتی جوده هم اچینرلی و اولر اجتماعی حیات دن چیکلنتیریلگن‌لر.

افغانستان بشر حقوقی مستقل کمیسیونی نینگ سباق باشلیغی سیما سمر، اوشبو ییغینده افغانستان خاتین قیزلری نماینده‌سی اوله‌راق شرکت قیلیب ایتیشیچه، مذکور ممکتده‌گی حاضرگی وضعیت ترقه‌لگن گزارش لرگه قره گنده جوده هم یامان دیر. او دنیا همجمعیت‌دن افغانستان خاتین قیزلری برابری‌ده بی فرق بولمسلیگینی طلب قیلگن. خانم سمر خلق‌ارا انسان پرورلیک قاعده لرگه موافق، افغانستان خلقی‌گه یاردم بیریلیشینی تاکید ایتگن.

بیزلرنینگ فیسبوک صحیفه‌میزگه باش اورینگ!

اروپا پارلمانی اعضالری‌گه قوشیمچه، بیرلشگن ملت‌لر تشکیلاتی نینگ عمومی کاتبی اورین باسری محمد امینه، ۲۰۲۱-ییل سخاروف جایزه‌سی نهایی نامزدلری و تکلیف قیلینگن نماینده لردن قطاری مذکور ییغینده حصه قوشیب و اولردن بیرقطاری اوشبو ییغینده نطق سوزله‌یدیلر.

هالیوود تانیقلی اکتریسه‌‎سی و بیرلشگن ملت‌لر تشکیلاتی نینگ قاچقینچیلر ایشلری بوییچه عالی کمیشنری نینگ ایلچیسی انجلینا جولی، اوشبو ییغین نینگ بیرینچی سخنرانی صفتیده ایتیشیچه، ایش و تعلیم دن افغان خاتین قیزلری محروم ایتیلیشی و اعتراض‌لری باعث عیال فعاللری حبس‌گه آلینیشی بیلن امید سیز بولمسلیک کیره‌ک. او اسلامی امارت دن قماقده‌گی عیاللر تمنا پریانی و پروانه ابراهیم‌خیل نی قویباریب و قیزلرگه مکتب باریش گه رخصت بیریش لرینی سوره‌گن. او شونینگدیک دنیا رهبرلریدن، اسلامی امارت‌نی خاتین قیزلرنینگ حقوقینی پایمال قیلیش لری اوچون جواب گرلیککه تارتیش لرینی ایسته‌گن.

بو ییغین ده باشقه نطق سوزله‌گن‌ لر، خاتین قیزلرنینگ حقوقی تامین ایتیلیشی و اولرگه یره‌تیلگن چیکلاولر کوتاریلیشی اوستیده تاکیدلب، عیاللرگه قرشی زوروانلیک‌‌لرگه چیک قوییلیشینی طلب قیلگنلر.

بیزلرنینگ توییترده هم تعقیب قیلینگ!

«افغان خاتین قیزلری کونی» عنوانیده اروپا اتفاقی پارلمانی نینگ ییغینی اوتگن کونی بروکسل ده باشلندی و بوگون هم دوام ایتماقده. اوشبو ییغیندن مقصد اسلامی امارت تیزیمی حاکمیتیده افغانستان‌لیک خاتین قیزلرنینگ وضعیتینی تیکشیریش دیر.

افغانستان بشرق حقوقی مستقل کمیسیونی نینگ سابق ایکی باشلیغی سیماسمر و شهرزاد اکبر، میدان شهر سابق بلدیه باشلیغی ظریفه غفاری، افغان‌فیلم سابق رئیسی صحرا کریمی و باشقه بیرقطار عیال‌لر افغانستان خاتین قیزلری نماینده سی صفتیده اوشبو ییغینده اشتراک ایتگن‌لر.

بو ییغین عین حالده یولگه قوییلگن که اسلامی امارت افغانستان بویلب حاکمیت نی قولگه آلگندن کیین، عیاللرگه چیکلاو یره تیلیب و اولر تعلیم و ایش‌دن محروم ایتیلگن‌لر.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام