کابل ده دین عالملری نینگ اوچکونلیک ییغینی یکونیدن کیین، بیرقطار سیاستچیلر اوشبو ییغینده آلتینچی صنفدن یوقاری قیزلر نینگ مکتبلری آچیلیش موضوعسی بحث بولینمهگنیدن تنقید ایتهدیلر.
افغانستان نینگ تانیقلی سیاستچیلریدن بیری علیاحمد جلالی اوز توییتری ده، سرپرست حکومتنی قیزلر نینگ تعلیم دن محروم قیلیش اوچون مجرم عنوان قیلگن.
علیاحمد جلالی نینگ ایتیشیچه: «قیزلرنی تعلیم دن محروم قیلیش، در واقع اسلامی، ملی و بشری حقوقلرینی ایاغ آستی قیلیش دیر. حکومت شامل بو ایش گه دخیل کیشیلر، مجرم تانیلهدی.»
بیزلرنینگ فیسبوک صحیفهمیزگه باش اورینگ!
شو بیلن بیرگه اسلامی حزب ییتکچیسی گلبدین حکمتیار، میدیالردن بیری بیلن اوتکزگن صحبتیده قیزلرنی تعلیم دن محروم قیلیش یامان عاقبتلر گه سبب بولیشیدن آگاهلنتیرگن. اونینگ ایتیشیچه: «اسلام قانون_قاعدهلری گه اساس قیزلر الله بویرگن حقلریدن محروم بولمسلیگی کیرهک. قیزلر تعلیم دن محروم ایتیلگن تقدیرده، عاقبتی یامان بولیشی ممکن. قیزلری تحصیللری گه دوام بیریش گه علاقهمند بولگن عایلهلر افغانستان نی ترک ایتهدیلر.»
عینحالده، اولکه یشاوچیلری دین عالملری نینگ ییغینیدن تنقید قیلیب ایتیشلریچه، بو ییغینده قیزلر نینگ مکتبلری آچیلیش موضوعسی بحث گه آلینیشی کیرهک ایدی لیکن بوندهی بولمهدی.
اولکه یشاوچیلریدن احمد سادات اوز توییتری ده یازیشیچه، ۴ مینگ دن آرتیق دین عالمی حصه قوشگن ییغینده، قیزلر نینگ مکتبی آچیلیشی گه دایر کیمسه گپلمهدی.
مملکت یشاوچیلریدن باشقه بیری عبدالقدیر کوباری اوز توییتری ده یازیشیچه، دین عالملری نینگ ییغینی یکونی بیلن، اهالی باشقه یوللرنی تنلش نتیجه گه ییتگنلر. اونگه کوره، دین عالملری نینگ قشاقلیک، ایشسیزلیک و قیزلر نینگ مکتبلری آچیلیشی گه دایر اعتبارسیزلیگی، اهالی اسلامی امارت دن اوزاقلشگه سبب بولهدی.
اولکه یشاوچیلریدن بولمیش عبید رحیمی توییتری ده یازیشیچه، قیزلر نینگ مکتبلری آچیلمسلیگیگه قوشیمچه، ییگیتلر نینگ مکتبلری دینی مدرسهلر گه اوزگرگن.
باشقه تاماندن، قطار نهادلر و سیاسی شخصیتلر، دین عالملری نینگ ییغینی و مذکور ییغین ده صادر ایتیلگن قطعنامهنی بوتکول نقد قیلهدیلر. افغانستان بشر حقوقی کمیسیونی، دین عالملری نینگ ییغین ادبیاتی نی زوروانلیک، اوروش و کلتکلش ادبیات عنوان قیلهدی.
بیزلرنینگ توییترده هم تعقیب قیلینگ!
شونینگدیک آلدینگی حکومت ده ملی خوفسیزلیک سابق باشلیغی رحمتالله نبیل، اوشبو ییغینده صادر ایتیلگن قطعنامه دن تنقید قیلیب ایتیشیچه، بو قطعنامه افغانستان دهگی موجود قیینچیلیکلرنی حل قیله آلمهیدی.
اونگه کوره: «مجلس و محتوا اوشه دیر؛ بیراق مکانی اکوره ختک دن کابل گه انتقال بیریلگن. و اوشبو ییغین ده صادر ایتیلگن قطعنامه افغانستان قیینچیلیکلرینی حل قیلیش ایمس بلکه دستاربندلیککه اوخشهیدی.»
ایتیش کیرهک که، دین عالملری نینگ اوچ کونلیک ییغینیده، قیزلر نینگ مکتبلری آچیلیشی اوستیگه بحث قیلینیشی کوتیلرایدی بیراق بوندهی بولمهی یکونلندی.