میدیالر نهادی و افغانستان خبرچی‌لر فدراسیونی، ۲۷ حوتخبرچی‌لر ملی کونیدن نشانلش مقصد، آزاد رقابت پروسه‌ده اشتراک ایتگن ۴۰۰ خبرنگار و میدیا ایشلاوچیلری آره‌سیدن، ایریم بولیم‌لرده فعالیت قیلگن ۲۰ خبرنگار و میدیا ایشلاوچیسینی ییل نینگ برتر خبرنگاری و ایشلاوچیسی صفتیده معرفی قیلدی.
اوشبو فدراسیون بیر ییغین آرقه‌لی مذکور کیشی‌لرنی مکافاتله‌دی. اولر آره‌سیده سلام‌وطندار نینگ پشتو بولیمی نطاقی هدایت‌الله احدی و اوشبو میدیا خبرنگاری حمیده مددی، رادیو خبرنگاری جایزه‌سینی آلیشگه قازاندیلر.
بیزلرنینگ فیسبوک صحیفه‌میزگه باش اورینگ!
اوشبو ییغینده میدیالر نهادی و افغانستان خبرچی‌لر فدراسیونی نینگ رهبریت اعضاسی گل‌محمد گران گه کوره، مذکور ۲۰ کیشی اوشبو فدراسیون نینگ رقابتی پروسه‌سیده اشتراک ایتگن ۴۰۰ کیشی آره‌سیدن، تیکشیریش و هر بولیم نینگ معیارلری اساسیده، داورلر کمیته‌سی تامانیدن ییل نینگ برتر خبرچی‌لری و ایشلاوچیلری اوله‌راق تنلنگن‌لر.
جناب گران نینگ ایتیشیچه، ۱۴۰۰-ییل‌ده تنلنگن بولیم‌لر آژانس خبرنگارلری، تدقیقاتی خبرنگارلری، تلویزیون‌لر نینگ سیاسی بولیمی مجری‌لری، تلویزیون نینگ اسلامی برنامه‌لر مجریسی، تلویزیون نینگ اجتماعی دستورلری مجری‌لری، رادیو نینگ اجتماعی برنامه‌لر گرداننده‌لری، دیزاینر، عکاس‌لیک، مستقل خبرنگار، رادیو خبرنگاری، خبر نطاقی، خبری آژانس خبرنگاری، سپورت، تفریحی و باشقه بولیم خبرنگارلری شامل دیر.
بیزلرنینگ توییترده هم تعقیب قیلینگ!
ایتیش کیره‌ک که میدیالر نهادی و افغانستان خبرچی‌لر فدراسیونی، اوشبو رقابت‌نی مملکت میدیالری نینگ خبرنگارلری و ایشلاوچیلری آره‌سیده اوشبو ییل نینگ بیرینچی حوت‌دن باشله‌گن ایدی که بوگون رقابت نتیجه‌سینی اعلان قیلیش گه علاوه، رسانه‌لر و خبرنگارلر نینگ وضعیتی گه دایر ییل‌لیک گزارشینی هم شیریک قیلدی.
