متقاعدلردن قطاری بوگون کابل ده بیر ییغین اوتکزیب ایتیش‌لریچه، تقاعدلری نینگ امتیازی نی قولگه کیلتیریش زمانیدن نیچه آی اوتگن، بیراق بو اداره نینگ ایشی توخته‌گنی باعث، تقاعد حقوقی نی قولگه کیلتیره آلمه‌گنلر.
متقاعدلرنینگ ایتیش‌لریچه، گرچند حقوق‌لری نینگ قولگه کیلتیریش اوچون نیچه مرته تقاعد خزینه‌سیگه مراجعت قیلگنلر، بیراق اولرگه بو اداره نینگ رئیسی تعیین ایتیلگونگه قدر، اونینگ فعالیتی باشلنمه‌سی اَیتیلگن.
متقاعدلر اسلامی امارت دن تقاعد امتیازلری تیزلیککه بیریلیشی نی سوره‌شگن.
تورموش اورتاغی نینگ تقاعد پولی نی قولگه کیلتیریش اوچون نیچه آی تلاش قیلگن بی‌بی مریم نینگ ایتیشیچه، ۷ آیدن بویان تقاعد امتیازی نی قولگه کیلتیره آلمه‌گن. اونینگ ایتیشیچه، حیات نینگ کونده‌لیک احتیاجاتی نی رفع قیلیش اوچون، اوییده‌گی ماللرنینگ ساتیش گه زولنگن.
بیزلرنینگ فیسبوک صحیفه‌میزگه باش اورینگ!
اسلامی امارت سوزلاوچیسی ذبیح‌الله مجاهد نینگ دستیاری بلال کریمی نینگ ایتیشیچه، تقاعد خزینه ریاستی نینگ فعالیتی تیزلیککه باشله‌نیب و متقاعدلرنینگ امتیازلری توللنه‌دی.
بو بیرینچی مرته ایمس که متقاعدلر معاش‌لری نینگ توللنیشی گه قیینچلیککه دوچ کیله‌دی. شونینگدیک اولر سابق حکومت نینگ فعالیتی دن ناراض بولیب و معاش‌لری نینگ توللنیشی کیچیکتیریلگنی اوچون، نیچه مرته شکایت قیلگن ایدیلر.
