افغانستانده اسلامی امارت حاکم بولگنیدن سونگ، یشاوچیلردن کوپقطاری ناقانونی شکلده مملکت نی ترک قیلیشگه اقدام قیلگنلر. اولرنینگ ایتیشلریچه، تشقی مملکتلرنینگ چیگرهلریده جدی قیینچیلیکلر بیلن روپهره بولهدیلر.
بیزلرنینگ فیسبوک صحیفهمیزگه باش اورینگ!
افغانستانلیک باش پناهایزلاوچیلرنینگ ایتیشلریچه، چیگرهلرده تشقی مملکتلر حربیلری تامانیدن کلتکلنیب و حتا اوققه توتیلهدیلر.
افغانستان یشاوچیلریدن بیری نقیبالله ولوالجی، اسلامی امارت حاکم بولگنیدن سونگ، مملکت نی ترک قیلگن و ترکیهگه مهاجر بولیشگه قصد قیلگن. اونینگ سلاموطندارگه ایتیشیچه، ترکیه چیگرهسیده اوشبو مملکت حربیلری تامانیدن کلتکلنیب و ۳ مرته ایرانگه تامان سورگون ایتیلگن.
افغانستان یشاوچیلریدن باشقه بیری اسلامالدین خیرخواه سابق حکومتده مدافعه وزیرلیگیگه ایش قیلهریکن. اونینگ ایتیشیچه، رسمی شکلده مملکتنی ترک قیلیشگه قادر بولمهگن. خیرخواه نینگ کوپهیتیریشیچه، قاچاقچیلر چیگرهدن اوتکزیش اوچون کوپینچه پول آلگن، لیکن اوتکزیشگه موفق بولمهگن.
جناب خیرخواه گه کوره، قاچاقچیلر و هیداووچیلر باش پناهایزلاوچیلرنی اوغیرلاوچیلرگه تاپشیرهدیلر.
اونینگ کوپهیتیریشیچه، اوغیرلاوچیلر و ناتوغری فایدهلنهدیگن کیشیلر، عایلهلرنی گروگه آلیب و پول طلب قیلهدیلر.
بیزلرنینگ فیسبوک صحیفهمیزگه باش اورینگ!
بوندن آلدین انسان حقوقینی کوزهتوچی ادارهسی بیر گزارش نشر قیلیب، ترکیه حربیلری افغانستانلیک باش پناهایزلاوچیلرنی شدتلی شکلده کلتکلشینی بیلدیرگن ایدی.
انسان حقوقینی کوزهتوچی ادارهسی، باش پناهایزلاوچیلرگه قرشی برخوردلرنی خلق ارا قانونلریگه قرشی عنوان قیلیب ترکیه شامل بوتون مملکتلردن خلق ارا قانونلریگه حرمت قیلیشلرینی سورهگن ایدی.