اوتگن “یکشنبه” کونی عبدالمالک صافی نام‌لی بیر کیشی اوزینی اسلامی امارت ایچکی ایش‌لر وزیرلیگی نینگ شهری استخبارات بولیمی ایشلاوچیسی معرفی قیلیب سلام‌وطندار دفتریگه کیرگن. مذکور کیشی نینگ کیریشی جنجل‌لر بیلن روپهره بولگن. جناب صافی، سلام‌وطندار دفتری نینگ امنیتی بولیمی بیلن هماهنگ قیلمسدن کیریش‌گه اصرار قیلگن.
بیزلرنینگ فیسبوک صحیفه‌میزگه باش اورینگ!
عبدالمالک اوزینی اسلامی امارت عضوی معرفی قیلگن و کمیده ۵ ساعت سلام‌وطندار اجرایی باشلیغی و باشقه ایشلاوچی‌لری بیلن صحبت اوتکزگن. او، سلام‌وطندار اداری ایش‌لریگه دخالت قیلیش‌گه سعی و حرکت قیلگن و ایشلاوچی‌لر قراردادیدن باشلب مالی ایش‌لر خصوصیده سوراقلرنی مطرح قیلگن.
اوزینی اسلامی امارت عضوی معرفی قیلگن کیشی، سلام‌وطندار تشکیلاتیده اوزگریش‌لیک کیلتیریش و ینگی رییس تعیین‌لشینی بیلدیرگن.
عبدالمالک صافی، ییغین باشلنمسدن آلدین سلام‌وطندار ایشلاوچی‌لری نینگ تلفون‌لرینی توپله‌گن و بوتون «جنجل‌لر انه‌شوو تکنالوژیلر آرقه‌لی اورته‌گه چیقه‌دی دیگن.»
بیزلرنینگ فیسبوک صحیفه‌میزگه باش اورینگ!
سوزلشوولر یکونلنگنیدن سونگ، عبدالمالک صافی نینگ سلام‌وطندار دفتریگه حضور تاپیشی خصوصیده اسلامی امارت رهبرلیگی دن بویروغ آلمه‌گنی بیللی بولدی.
اسلامی امارت رهبرلیک مسوول‌لری نینگ جناب صافی نی ایچکی ایش‌لر وزیرلیگی نینگ استخبارات بولیمی بیلن رابطه‌سی بولگنی‌نی رد قیلیب ایتیشیچه، ایچی ایش‌لر وزیرلیگی‌ده بو نام ده ایشلاوچی یوق دیر.
اسلامی امارت فرهنگی کمیسیونی عضوی احمدالله وثیق نینگ سلام‌وطندارگه ایتیشیچه، ایچکی ایش‌لر وزیرلیگی نینگ استخبارات بولیمی‌ده عبدالمالک نام‌لی ایشلاوچی یوق دیر و مذکور کیشی نینگ استفاده‌جو گروه‌لردن بولیش احتمالی بار دیر.
ژورنالیست‌لر و میدیالر قضیه‌لرینی تیکشیرووچی کمیسیون عضوی حجت‌الله مجددی نینگ سلام‌وطندار بیلن صورت تاپگن برخوردنی قانون‌گه قرشی عنوان قیلیب ایتیشیچه، میدیالر ایش‌لرینی تیکشیریش معلومات و مدنیت وزیرلیگی مسوولیتی و باشقه نهادلرنی بونده‌ی تیکشیریش‌گه حقی یوق.
جناب مجددی نینگ تاکید قیلیشیچه، بو مسله نی تیزلیککه تیکشیریلیشی ممکن.
سلام‌وطندار اجرایی بولیمی باشلیغی ناصر عمر نینگ مذکور ییغین خصوصیده ایتیشیچه، «مذکور کیشی میز اوستیگه اوریش و جنجلی صحبت‌لر بیلن ایشلاوچی‌لرنی سوزلریگه تن بیریش‌گه مجبور قیلیشنی ایسته‌ریدی، لیکن کون اداغیده اونینگ اسلامی امارت عضوی بولمه‌گنی بیللی بولدی.»
جناب عمر، اسلامی امارت مسوول‌لریدن بونده‌ی موضوعلرده میدیالرگه یاردم بیریب و میدیالر ایشلاوچی‌لری نینگ رویحه‌لرینی کوچلی قیلیش اوچون سعی و حرکت قیلیشی‌نی سوره‌گن.
بیزلرنینگ فیسبوک صحیفه‌میزگه باش اورینگ!
مذکور کیم‌لیگی معلوم بولمه‌گن کیشی نینگ سلام‌وطندار دفتریگه حضور تاپیب و اوشبو میدیا ایش‌لریگه دخالت قیلمسدن آلدین، اسلامی امارت رهبرلری میدیالر و ژورنالیست‌لرنینگ ایش مصونیتیدن ایشان بیرگن ایدیلر.
