کابل ده‌گی اعتراضچی عیاللردن قطاری، اسلامی امارت قولگه آلینگن اعتراضچی عیال پروانه ابراهیم‌خیل نی آزاد قیلگنینی تصدیقله‌یدیلر. پروانه ابراهیم‌خیل عایله اعضالری او نینگ قویباریلیشینی تأیید قیلگن‌لر.
خانم ابراهیم‌خیل میدیالر بیلن اوتکزگن صحبتیده اییتشیچه، وضعیتی یخشی دیر. او نینگ اورغولشیچه، اسلامی امارت کوچلری تامانیدن حبس‌گه آلینگن ایدی. اسلامی امارت رسمی‌لری بو توغریده حاضرگچه هیچ نرسه دیمه‌گن. بیر قطار گزارش‌لر اساسیده قولگه آلینگن اعتراضچی باشقه عیاللر قویباریلگن؛ لیکن بو خبر رسمی روشده تصدیقلنمه‌گن.
بیزلرنینگ توییترده هم تعقیب قیلینگ!
گزارش‌لر اساسیده، تمنا زریاب پریانی اوچ سینگلیسی، پروانه ابراهیم‌خیل، مرسل عیار و زهرا محمدی، اوتگن هفته کابل‌ده اسلامی امارت کوچلری تامانیدن قولگه آلینگن اعتراضچی عیاللردن عبارت دیر.
گرچند اسلامی امارت رسمی‌لری مذکور عیاللر حبس‌گه آلینیش خبرینی تأیید قیلمه‌گن، بیراق قولگه آلینگن عیاللر نینگ عایله اعضالری و باشقه اعتراضچی عیاللردن قطاری، بوندن آلدین اولر اسلامی امارت کوچلری تامانیدن اوی و ایش محلی‌دن حبس‌گه آلینگنینی ایتگن ایدیلر.
بیزلرنینگ فیسبوک صحیفه‌میزگه باش اورینگ!
مذکور اعتراضچی عیاللر قولگه آلینیشی خلق‌ارا کینگ عکس‌العمل‌لر گه روپه‌رو بولدی. بیرلشگن ملت‌لر تشکیلاتی، خلق‌ارا کیچیریم تشکیلاتی، بشر حقوقی دیدبانی و ۲۰ دن آرتیق خلق‌ارا نهاد، اوشبو عیاللر حبس‌گه آلینیشینی محکوم قیلیب و اسلامی امارت‌دن اولر تیزلیک بیلن قویباریلیشینی سوره‌گن ایدیلر.
