نیمروز ولایتی‌ده میمون چیچگی نیگ شبهه‌لی ایکی واقعه‌سی قید ایتیلگنیدن کیین، پایتخت یشاوچیلریدن قطاری مملکت‌ده اوشبو کسل‌لیک نینگ کوپه‌یشی خصوصیده خواطر بیلدیرگنلر.
پایتخت یشاوچیلر نینگ ایتیش‌لریچه، ساغلیق خذمت‌لر عادی بیر شکلده ارایه بولمه‌یدیگن بیر شرایط‌ده، میمون چیچگی نینگ قید ایتیلگن ایکی واقعه‌سی، اوشبو کسل‌لیک کوپه‌یشی خصوصیده خواطرلر نی کوپه‌یتیرگن.
بیزلرنینگ فیسبوک صحیفه‌میزگه باش اورینگ!
پایتخت یشاوچیلر نینگ ایتیش‌لریچه، میمون چیچگی نینگ جدی آلینمه‌یشی و احتیاط‌سیزلیگ، وضعیت نینگ یامان بولیشی‌گه سبب بوله‌دی. اولر ساغلیق‌نی سَقلش وزیرلیگی‌دن مذکور کسل‌لیک نینگ الدینی آلیش اوچون عملی و اونملی برنامه‌لرنی قول آستیده آلیشلرینی ایسته‌یدیلر.
کابل یشاوچیلردن بیری شهریار نینگ سلام‌وطندار گه ایتیشیچه،«سونگی کونلرده میمون چیگی کوپه‌یگنی خصوصیده ترقلگن میش-میشلر اهلیی نینگ خواطریگه سبب بولگن اگرده مذکور کسلیلک کرونا ویروسی کبی ترقلسه یشاوچی کوپینچه قیینچیلیکلر بیلن روپه‌ره بولیشلری ممکن چونکه مملکت ساغلیق بولیملریده امکانیت آز دیر.»
میمون چیچگی گه قرشی کوره‌ش اوچون ساغلیک نی سقلش وزیرلیگی نینگ فکری نی آلیشنی ایسته‌دیک، بیراق موفق بولمه‌دیک.
میمون چیچگی نینگ مثبت واقعه‌لری دنیا نینگ ۲۳ مملکتی جلمه‌دن آمریکا، استرالیا و آفریقا‌ده قید ایتیلگن. باش آغریق، ایسیتمه، جان آغریق، بیل آغریق و جلد اوستیده چیچک‌لر نینگ چیقیشی اوشبو کسل‌لیک نینگ بیلگی‌لریدن دیر.
شونده‌ی بیرحالده، میمون چیچگی و اوشبو کسل‌لیک نینگ یوقیش سرعتی خصوصیده معلومات آلیش خصوصیده داکترلردن نظریه‌لری نی آلدیک.
داکترلردن بیری زاهد علی‌زی نینگ سلام‌وطندار گه ایتیشیچه: «میمون چیچگی ویروسی کسل‌لیکلردن دیر و اونینگ یوقه‌یش سرعتی کرونا گه قره‌گنده آز دیر، شونینگدیک اولیم میزانی هم کرونا گه قره‌گنده آز دیر. میمون چیچگی کرونا ویروسی کبی قورقینچیلی ایمس.»
بیزلرنینگ توییترده هم تعقیب قیلینگ!
دنیا ساغلیک تشکیلاتی نینگ معلوماتی اساسیده، حاضرگچه ۲۲ مملکت‌ده ۳۴۶ ایجابی و شبهه‌لی واقعه قید ایتیلگن.
میمون چیچگی‌دن محفوظ قالیش اوچون اوشبو کسل‌لیککه چیلینگن کیشی‌لردن اوزاق‌لنیش، ماسک تاقیش، میمون چیچگی نینگ انتقال بیره‌دیگن حیوان‌لردن اوزاق‌لنیش و شونینگدیک ساغلیک توسیه‌لرنی رعایت قیلش کیره‌ک.
