آدم اوغیرلاوچیلر آرقهلی عبدالرووف نینگ قیناققه سالینگنیدن قید ایتیلگن سیسلی نوار، رمضان آیی نینگ بیرینچی کونیده اونینگ عایلهسیگه یوباریلگن. بو سیسلی نوار ده عبدالرووف دردلری نینگ اَغیرلیگیدن فریاد قیلهدی.
بو سیس نی ایشیتیش بیلن عبدالرووف نینگ آنهسی کسل بولیب بستر گه توشهدی و آتهسی ایسه ۶ آیدن کیین اختطافچیلرنینگ ایستهگی تن بیریب و باج بیریش اوچون حاضر بولگن.
عبدالرووف آتهسی محمد نبی نینگ سلاموطندارگه ایتیشیچه، اوغیرلاوچیلر آرقهلی طلب قیلینگن پول نینگ بیر قسمی نی اوز سرمایهسیدن توللهیدی و قالگنی نی ایسه اهالیدن توپلب اوغیرلاوچیلرگه تولهشی ممکن.
عبدالرووف نینگ عقرب آییده اوغیرلنگنی قضیهسی مملکت بویلب کینگ شکلده نشر بولگن. ۵ آیدن بویان بلخ حاکمی دفتری برابریده تحصن خیمه قورگن اعتراضچیلرنینگ سلاموطندارگه ایتیشلریچه، بو پیتده حکومت اولرنینگ سیسی نی ایشیتمهگن.
گرچند بوندن آلدین امنیتی رسمیلر عبدالرووف نینگ اوغیرلنگنی قضیهسی توغریسیده نیچه عملیات یولگه قوییب و داعش گروهی گه تیگیشلی کیشیلر شامل نیچه کیشی نینگ قولگه آلینگنیدن سوز یوریتگن ایدی، بیراق بو کونلرده مذکور قضیه حقیده بیر نرسه دیمهگنلر.