افغانستان تشقی ایشلر وزیرلیگی تامانیدن نشر ایتیلگن مکتوب ده هند بوییچه افغانستان ایلچیخانهسی ایشلاوچی‌لریدن ۸ ته‌سی نینگ ایشی یکونلنگنی ایتیلگن.
اوشبو مکتوب اداغیده تشقی ایشلر وزیرلیگی نینگ سیاسی بولیمی اورین باسری میرویس ناب نینگ امضاسی بار و ۱ جوزا ده نشر ایتیلگن.
صفیه پوپل، نقیم اکرمی، عبدالوهاب رحیمی، اجمل مومند، عبدالفرهاد جیلانی، مینه پوپلزی، بابر سلیمی و وحیدجمال جبارخیل اوشبو فهرست‌ده کیریتیلگن کیشی‌لر جمله‌سیدن دیر.
بیراق، اوتگن کونی افغانستان تشقی ایشلر وزیرلیگی نینگ بیر اعلامیه آرقه‌لی ایتیشیچه، افغانستان نینگ ینگی دهلی ده‌گی ایلچی‌سی نینگ تیکشیریشی سبب، بو قرار آلینگن و اوشبو ۸ کیشی نینگ وظیفه‌لری کابل گه انتقال تاپگن.
بیرقطار منتقدلرنینگ ایتیش‌لریچه، مذکور ۸ کیشی دن بیرقطاری بیر ییل هم وظیفه انجام بیرمه‌گن و اولرنینگ چیکلنتیریلیشی افغانستان تشقی ایشلر وزیرلیگی و مملکت دیپلمات‌لری حیثیتی‌گه زیان ییتیشتیره‌دی.
تشقی ایشلر وزیرلیگی نینگ استراتژیک مطالعات مرکزی سابق باشلیغی فرامرز تمنا نینگ ایتیشیچه، اوشبو وزارت نینگ یخشی کادرلری نیچه ییلدن بویان سواد‌سیز سفیرلر، اورین باسرلر و رییس‌لر مدیریتی آستیگه ایش قیله‌دیلر.
جناب تمنا، تشقی ایشلر وزیرلیگی دیپلومات‌لری انجمنی دن بونده‌ی برخورد‌لرگه دایمی حل یول تاپیشینی سوره‌گن.
